https://www.kathbrugg.ch/de/agendagottesdienste/neuigkeiten/welcome.php?action=showinfo&info_id=10985
19.09.2020 01:42:51


Rückblick GV Franziskus-Chor

Rückblick Generalversammlung Franziskus-Chor vom 2. März

Under em Motto "Fründschaft" händ mer am 2. März ganz en spezielle Abig gha. Mit folgende Wort han ich eusi diesjährig GV eröffnet:


Mer känned eus scho lang, händ zäme vell erläbt,
vellfach send mer eus so ähnlich, drum verstöhnd mer eus so guet,
send aber au so unglaublich verschiede, drum gsähnd mer eus so gern.
Egal was da au uf eus mag zue cho, a eus chunt keine ane.
Bi eus cha mer sich sälber sie und sich eifach gheie lah….

Mit dene Wort, wo dä Patrick Masuhr i sim Lied «Freundschaft» singt, heiss ich euch
herzlich willkomme zor Istimmig i eusere Franziskus-Chile.
Eusi Generalversammlig isch ja ami nöd nur es trochnigs Abhandle vo Fakte und Zahle, was sälbstverständlich au muess sie, sondern au es Zruggluege uf euses vergangene Chorjahr – uf das was mer alles zäme gschafft und erläbt händ. Es isch es sich gheie lah dörfe um eusi Gmeinschaft z gnüsse.
Es isch aber au en Zietpunkt, wo mer chönd danke säge, vör all das Schöne und Guete, wo eus eusi Gmeinschaft git – wo ich eu wett danke säge vör euches Herzbluet, euchi Treui, euchi Fründschaft und dä Zämehalt, wo dä Franziskus-Chor so ganz speziell macht.

Ich freu mich uf es wieters lässigs, fründschaftlichs Chorjahr mit euch, wo eus au gsangstechnisch weder wieter bringt! Es isch en speziell schöne Abig gsie mit euch!

Euri Präsidäntin
Gaby Portmann 


GV Franziskus-Chor_Deko in Kirche
 

Dokument Liedblatt.pdf (pdf, 828.0 kB)

Datum der Neuigkeit 3. März 2020

  zur Übersicht