Willkommen auf der Website des Pastoralraum Region Brugg-Windisch



Sprungnavigation

Von hier aus können Sie direkt zu folgenden Bereichen springen:
Startseite Navigation Inhalt Suche Inhaltsverzeichnis Seite drucken PDF von aktueller Seite erzeugen
Pastoralraum Brugg-Windisch

Fastensuppe Schinznach

ökum. Suppenzmittag Schinznach

Ganz herzlich willkomme zo eusem ökumenische Suppezmittag da bi eus i eusem schöne Chilezäntrum! Wie schön, dass ehr alli da send zom Suppe und Gmeinschaft teile!
Scho früeh am Morge isch euses Pfarreiheim erfüllt gsie mit fröhlichem Geplapper, herzlichem Lache und ämsigem Hin- und Her und scho bald häts au scho fein agfange schmöcke. 
Ich möcht eusem Suppeteam vo Herze danke säge, dass sie sich jedes Jahr wie sälbstverständlich weder bereit erkläred, ihri Ziet z schänke um vör eus die feini Suppe z’koche und vör dä aschlüssendi Dessert sälberzauberets z’organisiere. Ich schätze das Engagement, i das sie sehr vell Herzbluet stecked, sehr. Danke vell mal!
D’Jubiläumskampagne vo „Brot für alle“ und „Fastenopfer“ richtet dä Blick vor allem uf Fraue.
Gemeinsam für starke Frauen – gemeinsam für eine gerechtere Welt»  heisst drum dä Slogan.

D’Fraue vo eusem Suppeteam händ, um die Suppe chöne z’koche, inen Lade go poschte, wo gfüllt (überfüllt) isch mit feine Sache und nach Herzensluscht ihri Ware ussueche. 
D’Fraue in Kamerun chönd das nöd. Inere Region, südlich vo dä Hafestadt Douala, läbed velli Mänsche vo dä Landwirtschaft. Dä Bode wird zusehends knapper well Firmene vör ihre Profit s Land ufchaufed. D’Fraue send vo dere Entwicklig bsunders betroffe, well sie d’Hauptverantwortig vör dä Abau vo Nahrigsmittel und d’Ernährig vo ihrne Familie träged.
Mit dä hütige Kollekte hälfed mer „Brot für alle“ und „Fastenopfer“ bem Kampf für Grächtigkeit und Nachhaltigkeit i dere Region vo Afrika.

Ich freu mich sehr, dass mer hüt d’Frau Maria Dörnenburg als ökumenischi Verträterin vo „Brot für alle“ und „Fastenopfer“ under eus als Gascht dörfed willkomme heisse. Schön, dass Du da bisch!

Gaby Portmann

 


ökum. Fastensuppe Schinznach
 
Datum der Neuigkeit 21. März 2019

  zur Übersicht